General Santos City—- Samad dinunggaban sa likod nga bahin ang naangkon sa usa ka Jerick Abangan, 22 anyos ga taga Prk. Lower Putting Bato, Brgy. Calumpang ning dakbayan.
Sumala sa imbestigayson sa kapulisan, alas 6 ang takna sa kagabii, Hunyo 2 9 dihang nahitabo ang pagpanunggab sa Prk. Puting Bato kung asa nag-inom ang biktima uban ang iyahang mga barkada dihang kalit nga miabot ang suspek nga si Ryan Digan, 27 anyos nga taga Prk. San Miguel, Brgy. Calumpang ug dayon dunggab sa biktima gamit ang gunting.
Misuway pa ug sibat ang suspek apan malampuson kining nadakpan sa checkpoint nga gipahigayon sa Regional Mobile Force Company sa pagpanguna ni Police Senior Inspector Benzar Mukarram ug gilayong git-urn over sa Tambler Police Station.
Nakaangkon usab ug mga samad sa likod ug atubangan nga bahin sa iyahang lawas ang suspek gumikan sa barbed wire human kining miikyas sa mga ga residente sa lugar dihang nakit-an ang pagpanunggab.
Sa karon, anaa na balhog sa lock-up cell sa Police Station 5 ang suspek ug ginahikay na ang tukmang kaso batok kaniya.
