General Santos City—Samad sa kamot ug lawas ang naangkon sa usa ka John Paul Guinang, 26 anyos nga taga Barangay Bula Gensan human gidunggab sa wala nganling suspek alas 2:36 ang buntag sa may Pioneer Avenue, Barangay South, Gensan.
Subay sa impormasyon nga nahagpat sa RMN News Team sa Dr. Jorge Royeca Hospital nasuta nga nag inum ang biktima sa usa ka imnanan sa maong lugar dihang kalit lang kining gidunggab sa suspek.
Paspas nga misibat ang suspetsado samtang ang biktima gidala sa ospital. Sa wala wala pa masayran unsay bingkil sa biktima ug suspek nganong misangko sa pagpanunggab.
Hinuon naghimo na ug makuting imbistigasyon ang kapulisan kalabutan sa maong insidenti.
Facebook Comments
