Lalaking nag motor gipusil patay

83

Davao City – Posibleng bangi sa trabaho ang motibo sa pagpusil patay sa usa ka 47 anyos lalaki nahitabo alas 11:30 kaganinang buntag partikular sa Watusi Street, Corner Carnation, Buhangin syudad sa Davao.

Sa interview sa DXDC RMN Davao kang Police Major Estrello Ramiso, Station Commander sa Buhangin PNP naila ang biktima nga si Carmelito Hipoit, residentesa Lot 21, NHA, Buhangin ning syudad.


Matud ni Ramiso samtang nagsakay ang biktima sa iyang single motorsiklo padulong sa Km. 5, Buhangin dunay wa mailhing suspek ang nag-atang sa maong lugar dayog pusil sa biktima tumong sa ulo nga bahin gamit ang .45 kalibre pistola.

Human sa hitabo ang suspek daling nisibat sa wa matinong direksyon ug narekober sa kapulisan gikan sa crime scene ang usa ka deformed slug.

Gidugang ni Ramiso nga mas gipalapdan pa ang gilusad nga imbestigasyon sa maong insidente.

Ang patayng lawas gidala sa Angel Funeral Homes sa dalan F.Torres ning dakbayan.

RadyoMaN Don Pulayao

Facebook Comments