Davao City – Nalisang pag ayo ang usa ka lalaki nga residente sa may Datu Bago extension Brgy. 5-A sa dihang gi-atake sa usa ka lalaking dunay problema sa panghuna-huna ug buot siya patyon.
Complainant nagpaila nga si Meliquiades Patenio Geuiillio, 33 anyos samtang kining suspek naila nga si Rommel Estaco Serro nga naila nga dunay sakit sa pangutok sa ilang lugar.
Sumala pa sa record sa Sta. Ana nga mga bandang alas 8:40 kagabii samtang anaa kini sa gawas sa ilang balay aron magpahangin kalit kuno siya gi atake sa nahisgutang suspek nga nagdala-dala og kutsilyo ug jungle bolo ug namulong sa makusog nga tingog nga buot siyang patyon niini.
Gidugang sa complainant nga gisulayan gayud siya sa pagtigbas sa maong lalaki ug swerte kining nakalikay palayo ug midagan ngadto sa pampasaheroan nga tricycle sa maong lugar.
Midangop ang complainant ngadto sa Brgy. Hall sa Brgy. 5-A ug nagpakitabang kini sa mga tanod.
Una pa man mirespondi ang mga brgy. Tanod, nanawag sila sa buhatan sa kapulisan sa San Pedro alang sa dugang personahe.
Hinuon malampuson nga nadakpan ang nagwild nga lalaki ug dali kining gidala sa Southern Philippines Medical Center sa Psychiatric and Behavioral section aron mahatagan kini og alibyo.
RadyoMaN Paul Canono
