Lalaking nagdala-dala ug armas-dakpan

General Santos City–Malampusong nasikop sa mga personahe Sa Koronadal PNP ang usa ka lalaki nga nagdala-dala ug armas nga si Michael Baguio,31 anyos, laborer, residente sa Purok Ilang-Ilang, Brgy.Saravia, Koronadal City.

Sumala pa ni Police Lieutenant Rey Sotelo Deputy Station Commander sa Koronadal Police Station nga pasado alas 10:00 sa gabie una na silang nakadawat ug tawag gikan sa mga opisyal sa Barangay sa nasampit nga Barangay nga sumala pa dunay lalaki nga nagdaladala ug armas sa ilang lugar.

Gilayon man usab girespondehan sa patrol team sa Koronadal PNP ug sa paghidangat nila sa lugar ilang naaktuhan ang suspek nga duna gayuy dalang armas hinungdan nga walay duha-duha ang mga pulis nga misikop sa nasampit.


Saysay pa sa opisyal nga atol sa operasyon nakuhaan niini ang suspek sa iyang posiyon ug usa ka homemade improvise shotgun dunay sulod nga usa ka buhing bala sa armalite.

Anaa na sa kustodiya karun sa Koronadal Police Station ang dinakpan ug gihikay na sa kapulisan ang kasong kalapasan sa RA10591 kon illegal possession of firearms and ammunitions.(Reynald Timario)

Facebook Comments