Malungon, Sarangani Province–Nagtingkagol sa selda sa Malungon MPS ang usa ka drug target suspek sa kapulisan human kini nasikop pinaagi sa pagimplementar sa search warrant nga si Jobert Canabiral, alyas Tansiong,30 anyos, minyo, driver nga nanimuyo sa Purok 6, Banate, Malungon, Sarangani Province.
Alas 12:05 sa udto gikasa ang implementasyon sa search warrant no.20-37 sa mga personahe sa Malungon PNP sa pagpanguna ni Police Lt. Col. Edgar Yago ngadto na sa panimalay sa suspek ug malampuson kining nasikop.
Nasayran nga ang maong warrant ang giisyu ni Judge Oscar Noel Jr. sa JOW sa Rtc Branch 38, Alabel.
Nakumpiska sa kapulisan sa posisyon sa suspek ang tulo ka sachet sa gituohang shabu ingon man mga drug paraphernaliaās.
Gihikay na sa kapulisan ang kasong atubangon sa dinakpan sa kalapasan sa sec.11 sa RA 9165 kon comprehensive dangerous drugs act of 2002. (Reynald Timario)
