General Santos City—Samdam ang usa ka lalaking nagmaoy human napusilan sa usa ka miyembro sa CAFGU sa area sa Barangay Tamban, Malungon, Sarangani Province.
Giila ang napusilan nga si Eric Talino, 30 anyos, residenti sa Barangay Tamban, Malungon, Sarangani Province.
Alas 3:00 sa hapon dihang nagmaoy matud pa sa ilang lugar si Talino, girespondihan kini sa CAFGU nga si Berin Tagosi, nga residenti sa maong lugar human nga nangayog pakitabang kaniya ang ilang mga silingan.
Pag abot sa lugar deretso kini nga gidasmagan ni talino nga may bitbit nga kutsilyo maong napugos kini nga pusilon ang nasangpit igo sa iyang tiil nga bahin.
Dali usab nga gidala sa ospital ang biktima ug kasamtangan na karon nga nagpaalim sa iyang mga samad nga naangkon.
Gikaingong may deperensya sa panghuna-huna ang nagmaoy nga si Talino.
