Davao City – Ginasusi pa karon sa kapulisan sa Kapalong ang motibo sa pagpusil-patay sa usa ka lalaki kaganinang hapon.
Sa pakighinabi sa DXDC RMN Davao sa Kapalong Municipal Police station, sumala pa nga nahitabo ang pagpamusil alas 2:10 kaganinang hapon sa usa ka carwash area nga nahimutang sa may Purok 1, Maniki, Kapalong, Davao del Norte.
Giila ang maong lalaki nga si Angelito Somenio Olavides, 43 anyos, minyo ug usa ka mag-uuma nga taga Purok 6, Nanaga, Brgy. Sto Niño, Talaingod, Davao del Norte.
Matud pa nga samtang nagpa-carwash ang maong biktima sa iyang sakyanan, gipusil kini sa duha ka wala mailhing mga suspek ug naigo sa nagkadaiyang parte sa lawas niini.
Sa karon, anaa na sa punerarya ang patayng lawas sa biktima ug naghimo na og imbestigasyon ang kapulisan sa Kapalong ug ginapangita na ang mihimo sa maong krimen.
RadyoMaN Renz Barbarona
