General Santos City–Pabiling nagpaalim sulod sa Dr. Jorge P. Royeca hospital ang usa ka 47 anyos nga si Hilvero Graciano, nanimuyo sa Barangay Bawing ning syudad kansa gitigbas sa suspek nga iyaha ra pud nga kaila alas 12:30 ang takna sa kabuntagon sulod mismo sa panimaly sa biktima.
Sa impormasyon nga natala sa naasoyng ospital nasayran nga nanghulam matud ug motor ang suspek ngadto na sa biktima gumikan kay dunay giadtuan apan sa pagbalik niini gikompronta sa biktima gumikan kay wala nay gasoline ang tangke sa motor nasuko ang suspek ug gisumbag pa ang biktima sa iyang kilid hinungdan nga iya kining giharas.
Gilayon man usab midagan ang suspek pauli sa ilang balay ug sa pagbalik niini duna nay dalang kuban ug didto na gisulod ang biktima sa iyang panimalay ug gitigbas sa makadaghang higayon sa lawas niini.
Sa kasamtangan naglaum na lamang ang biktima nga madakpan sa kapulisan ang responsible nga mitigbas kaniya. (Reynald Timario)
