General Santos City–Posibling natripan lang ang biktimang si Randolf Chatu Sr., 29 anyos nga residenti sa Sitio Bliss, Barangay Tambilil, Kiamba, Sarangani province kansa una nang gidunggab patay sa suspek nga si Jobert Jo, legal age residenti sa samang lungsod niadtong nakalabayng adlaw.
Sumala ni Police Chief Inspector Benjie Anchita, Hepe sa Kiamba, Muncipal Police Station nga nag-abot matud pa ang duruha sa usa ka diskuhan sa maong lugar.
Nag sige ug sayaw dayon naghigda-higda pa ang biktima sa tunga sa diskohan dihang siya kalit giduol sa suspek dayon gidunggab pila ka higayon nga hinungdan sa kamatayon sa biktima.
Dugang pagbutyag ni PCi Anchita nga base sa ilang pagsuta sa lugar, wala may bingkil ang duruha ayha natigayon ang pagpanunggab.
Posibling nairita lang matud pa ang suspek dihang iyang nakit-an nga nagsayaw, sayaw samtang nag higda sa semento ang biktima.
