General Santos City–Misukol ang Wanted nga si Jonathan Pablo, nga taga barangay Sapu Masla Malapatan, Sarangani Province maong napatay kini sa kapulisan alas 5:47 ang takna sa buntag kagahapong adlawa, kini ang gibutyag ni Police Supt. Teody Condesa, Spokesperson sa Sarangani Provincial Police Office.
Si Pablo ang prime suspek sa pagpatay sa managlusong silang si Angelo, Myko ug Allan, Engkong nga taga Barangay Sapu Masla, Malapatan, Sarangani Province.
Sumala ni Condesa nga dunay nakahatag ug impormasyon sa kapulisan nga anaa sa lugar ang suspek mao nga gilusad ang hiniusang pwersa sa Sarangani Police Office, Malapatan PNP ug uban pang unit sa kapulisan. Naabtan kini sa sapa nga naligo ug didto na nakig-pinusulay kini sa tropa sa kapulisan hinungdan nga napugos ang awtoridad nga kini pusilon hinungdan sa iyang kamatayon.
