Davao City- Selda sa Talomo Pnp ang gitugpahan ni Reynaldo Anabesa, 47 anyos residente sa Barangay Sasa human maka hit-and-run og PUJ sa Barangay Ma-a ning syudad sa Davao.
Sa blotter sa kapulisan, gibanggaan sa Isuzu trooper nga gimaneho sa suspek ang PUJ nga gimaneho ni Sosimo Acebron, hamtong ang pangidaron nagpuyo sa Maharlika Village Barangay Ma-a Davao City sa dihang nagdagan kini atubangan sa South Villa Subdivision.
Gumikan sa impact nanga angol ang mga pasahero sa PUJ nga sila Richmond Dacaro, 18 anyos estudyante ug Nena Plaza, 17 anyos nga daling gipangdala sa SPMC.
Misuway pa unta sa pag ikyas ang suspek pinaagi sa pag pabulhot sa iyang sakyanan apan nasakoti kini sa mga pulis didto sa area sa Buhangin.
Giandam na sa mga pulis ang kasong ipasaka batok sa dinakpang driver nga naka hit-and-run.
Kasamang Erin Lumosbog
