General Santos City—nagpabiling walay ilhanan ang usa ka lalaki nga nakaplagang wala nay kinabuhi sa usa ka compound sa Zone 7, Barangay Bula Gensan, alas 6:00 ang takna sa buntag kagahapong adlawa.
Matud ni Police Chief Inspector Bryan Oniel Salvacion, hepe sa Police Station 6 nga sa kasamtangan padayon pa nilang ginasuta ang ilahanan sa biktima tungod wala pay niclaim sa patayng lawas niini hangtod sa kasamtangan.
Sa inisyal nga imbistigasyon sa kapulisan migawas nga posibling gigukod ang biktima sa suspect nga midungab kaniya ug sa maong lugar lang natumba ug nakabsan sa iyahang kinabuhi.
Nasayran ngaadunay 16 ka mga samad diunggaban ang nasangpit sa nagkansaiyang parti sa kalawasan gamit ang ice pick.
Dugang pagbutyag ni PCI Salvacion nga basi sa ilahang pakighinabi sa Caretaker sa maong lugar nga alas 3.00 sa kaadlawon nakadungog matud pa kini ug paghot sa iro apan wala lang niini giagad.
Alas 6.00 sa buntag pagmata niini nakurat kini sa nakita nga patay sa ilahang compound hinungdan nga gilayon kining mireport sa kapulisan. Sa karon padayon pa ang gihimong imbistigasyon kalabutan sa insidenti. (Dave Silagan)
