General Santos City—balhog sa silda sa kapulisan ang usa ka lalaking nakuhaan ug nilikit nga pinaugang dahon sa marijuana.
Suspek giilang si Kimper Utto, 20, residenti sa Purok Islam, Barangay South, Gensan. Alas 9:00 ang takna kagabie dihang nakit-an sa kapulisan ang suspek nga nanigarilyo daplin sa kalsada mao nga gihunungan, apan pagkita sa suspek sa mga pulis kalit lang kining midagan hinungdan nga kini gikugod.
Malampusong nasikop ang nasangpit ug dihang gikapkapan, nakit-an ang usa ka nilikit nga marijuana sa bulsa sa nahisgutan hinungdan nga siya gisikop ug gibalhog sa prisohan.
Sa karon ginaandam na ang pagpasang-at ug kaso batok sa suspetsado.
(Photo From Web)
Facebook Comments
