General Santos City–Bantay sarado karon sa kapulisan ng sakop sa Police Station 8 ang suspetsado nga si Joven Sanchez, legal age, residenti sa barangay Katangawan ning syudad human nga nanigbas kini ug kakaubanan sa inom.
Sumala pa ni P/Major Yol Hilado, ang Chief Of Police sa Police Station 8 nga bantay sarado karon ang suspect human nga maospital kini tungod sa pagpakulata kaniya sa mga tao nga miresponde human gitigbas niini ang 2 ka mga kainom niini nga silang Johny Tadle nga naputlan ug kamot ug Edwin Aguilar nga hapit usab naputol ang tudlo.
Kasong frustrated murder ang ipasang-at sa kapulisan batok sa nasangpit nga suspect.
Padayon usab nga ginaimbistigahan karon sa kapulisan ang tinuod nga hinungdan nganong misangko ngadto sa pag panigbas sa suspect ngadto sa mga biktima ang ilaha ra unta nga inom.
Samtang gikabutyag man usab ni P/Major Hilado nga migula usab sa ilahang inisyal nga imbistigasyon nga lain gayud ug kinaiya ang nasangpit nga suspect hilabi na kung maka-inom.(Dave Silagan)
