General Santos City—Balhog na karon sa silda sa Glan Municipal Police Station ang usa ka 25 anyos nga lalaki nga namaligya ug Marijuana didto sa Barangay Poblacion, Glan, Sarangani Province.
Giila ang suspek nga si Alias Richie, 25, residenti sa Purok Mangga, Barangay Poblacion, sa nasampit nga lungsod.
Nasikop ang nahisgutan human kining na palitan ug pinutos nga marijuana atol sa gihimong buy-bust operation sa Glan PNP alas 11:45 ang takna sa udto didto mismo sa maong Barangay.
Nakuha sa posisyon sa suspek ang usa ka pinutos sa Marijuana ug ang marked money.
Sa karon giandam na sa Glan PNP ang kasong kalapasan sa RA 9165 nga ipasang-at batok sa nasampit nga suspetsado.
Facebook Comments
