Davao City – Nahog sa kaguliyang ang pagtambong sa magbarkada sa adlaw natawhan sa ilang higala sa may Bago Oshiro Mintal alas- 10:15 kagabii.
Namusil matud pa ang usa ka Banjo Salazar human nabikil sa iya ra usab nga higala kinsa pareho nang lango sa binong makahubog.
Sa mao nga panghitabo, maayo pagka-igo sa dughan sa usa ka Rebsen John Siario kinsa nagpuyo ra usab sa lugar.
Matud ni Kier John Wamar nga lipay man unta daw sila magbarkada tungod kay nagsaulog lagi sa adlaw natawhan ang ilang higala.
Apan ang naasoy nga hudyaka sa magbarkada napadong sa away kung asa si Banjo kalit mibunot og .38 caliber pistol dayon pusil ngadto sa biktima.
Daling gidala sa Southern Philippines Medical Center ang biktima ug padayon pa nagpaalim sa samad pinusilan.
RadyoMaN Joel Viray
