Davao City – Kasong Usurpation of Authority, kalapasan sa Fire Code, ug Physical Injury ang atubangon karon sa lalaking nangdapat sa usa ka bombero atol sa pagresponde sa Bureau of Fire Protection (BFP) 11 sa miulbong sunog sa Purok 3-A, New Society Village, Barangay Ilang, ning syudad nahitabo adlaw’ng Domingo, Hunyo 2, 2019.
Gipanganlan ni BFP-XI Chief Investigator Senior Fire Officer 3 Ramil Gillado ang maong lalaki nga si Dennis Ombus, residente sa maong lugar kinsa nagpailang trabahante sa gobyerno, ug kalit nanghapak sa Fire Truck Driver sa Lanang Fire Station nga si Urbano Descartin gumikan gusto niining mapadali ang pagpalong sa kalayo niadtong tungora.
Matud ni Gillado, dili kini ang unang higayon sa susamang insidente atol sa pagresponde sa mga bombero.
“Yan yong gustong mangyari ng regional director natin na bigyan ng lessons kasi may mga previous incidents na ganito na parang ginaganyan lang yong firefighters natin pati na mga volunteers natin, may mga experience na ganon. Bibigyan natin ng lesson para at least maging reminder sa public,” saysay niini.
Nasayran sa imbestigasyon nga wala nadamay ang panimalay sa maong suspetsado ingon man dili usab kini trabahante sa gobyerno taliwala sa iyang gibutyag niadtong insidente.
RadyoMaN Jason Amisola
