Davao City – Gireklamo sa usa ka ginang ang lalaking giihian ang iyang sakyanang ug gilabayan matud pa ang ginang og bato.
Sa record sa Sta. Ana PNP, mipatala si Leslie Martinez Torres, 47 anyos, usa ka negosyante, residente sa may Brgy. 25-C Ponce Suazo, Davao City diin iyang gireklamo si Alyas Dongkoy nga nailang ‘siga’ sa ilang lugar nga kalit kuno giihian iyang sakyanan nga naka-parking gawas sa ilang balay.
Apan sa dihang gibadlong kini, nasuko matud pa si alyas Dongkoy ug gibalikan ang tag-iya sa sakyanan ug namato og bato sulod sa balay.
Sa mao nga insidente, nahadlok ug wala gayud ka angay ang complainant hinungdan nga dali siyang miduol sa kapulisan ug iyang gipatala ang maong panghitabo aron maoy basehanan kun buot niya pasakahan og kaso ang maong lalaki.
RadyoMaN Paul Canono
