General Santos City–Giandam na sa Police Station 1 ang kasong estafa batok sa usa ka Semmar Ali, 29 anyos ug nanimuyo sa MC Village, Barangay Fatima ning syudad human nga masikop kini sa gipahigayon nga entrapment operation sa mga sakop sa Police Station 1 niadtong milabay nga adlaw tapad sa usa ka kapihan ning syudad nga nahimutang sa Pendatun Avenue.
Sumala pa ni Capt. Abdulsalam Mamalinta ang hepe sa Police Station 1 nga niduol sa ilahang buhatan ang mga biktima nga silang Carl Vincent Sales ug Myco Jick Ramos human nga giilad matud pa sila sa suspect tungod kay wala miabot ang ilahang giorder nga tray sa itlog nga gikan sa suspect.
Human matud pa nakombinsi ang suspect nga sa maong lugar sila magkita aron nga magbayranay ug sa dihang nakita sa kapulisan nga takdang mudawat ug kwarta ang nahisgutan gikan sa biktima gilayon nila kining gisikop.
Modus matud pa sa nasangpit nga mag deal ug mga itlog sa mga negosyante ug pabayron ug tibuok ang mga biktima ug pag-abot sa delivery katunga lang sa kinatibuk-ang kantidad ang ihatag niini nga produkto ngadto sa iyahang customer ug musaad nga ihatag ang kulang sa sunod nga transaksyon.
Sumala pa ni Capt. Mamalinta nga nakapito ka transaksyon ang biktima nga si Sales ug wala gihapon ginabalik sa suspect ang iyahang kwarta hinungdan nga naka-disiyon nga iriklamo sa kapulisan kung asa nasayran usab niini nga nakig-transakyon usab ang suspect sa iyahang kaila nga nesgosynte usab nga si Ramos.
Basi sa unang bikitma nga si Sales miabot na ngadto sa Syento Saysentay Otso Mil ka pesos ang kantidad nga wala nauli sa suspect kaniya samtang gipangayuan usab sa suspect ug 13 mil kapesos si Ramos alang matud pa sa 100 ka tray sa mga itlog. (Dave Silagan)
