General Santos City— Dakpan ang usa ka 39 anyos nga lalaki human kining misuway ug pangilog sa armas sa usa ka security guard sulod sa usa ka drug store nga nahimutang sa Aparente St., Brgy. City Heighs ning dakbayan.
Sumala kang PO1 Rogelio Caparoso Jr., imbestigador sa Police Station 4 nga alas 9 ang takna sa buntag dihang nahitabo ang insidente kung asa ang suspek nailang si Ramil Julagting, 39 anyos nga residente sa Malungon, Sarangani Province.
Subay matud pa sa reklamo sa sekyu nga si Jonifer Mercado, 33 anyos nga samtang kini nagduty sa maong drug store, kalit nga misulod ang suspek ug dayon gi-suwayan ug ilog ang issued fire-arms niini.
Dugang pamahayag ni PO1 Caparoso nga dihang girespondihan nila ang taho, gilayong gi-turn over kanila ang suspek.
Kung asa nakuha gikan sa posisyon niini ang usa ka sachet sa gituuhang shabu.
Sa karon, ang suspek ang balhog na sa lock up cell sa Police Station 4 ug gikatakdang pasakaan ug kasong direct assault ingon man sec. 11 sa R.A 9165.
