Davao City – Anaa na sa kamot sa kapolisan sa Tugbok ang suspek sa pagpanigbas patay ngadto sa iyang uyoan nga nahitabo sa Barangay New Carmen Tugbok District ning siyudad.
Suspek naila nga si Ronnie Matanggo Abendan, 32 anyos nga taga Purok 5 New Carmen Tugbok District ning siyudad.
Nasayran nga midangop ang suspek sa iyang ig agaw nga si Nonito Candilada Matango nga taga Barangay Mandug Buhangin District ug didto mikumpisal kung ngano napatay niini ang iyang kaugalingong uyoan.
Matud pa nga mga duha ka semana ang milabay nagapagawas og dili maayong pulong ang biktima ngadto sa asawa sa suspek ug sa dihang nag atbang na sa inom kining mag uyoan nabalik ang maong storya ug nagka lalis kini tungod sab kay lango na sa bino ang duruha.
Gumikan niini gitigbas sa suspek gamit ang lagaraw igo sa may walang bahin sa liog ug bukton ang biktima hinungdan sa kamatayon niini.
Daling mi-surrender sa Barangay Hall sa Barangay New Carmen ang suspek ug kasamtangan kining gi endorso sa kapulisan sa Tugbok.
RadyoMaN Paul Canono
