General Santos City–Gipaabot pa karon sa Police Station 1 ang pormal nga pagpasang-at ug kaso sa usa ka Evelyn Mangohig, 39 anyos nga taga Salazar street, Barangay Dadiangas South, Gensan ngadto sa iyang kaipon nga si Noel Gonzaga Sales, 53 , kansa nangulata kaniya niadotng nakalabayng adlaw.
Kung kahinumduman nga naka angkon ug bun-og sa iyahang wala nga parte sa nawong ang ginang human kining gisumbag sa iyang live-in nga miuli sa ilang panimalay nga hubog.
Basi sa report sa kapulisan nga nakiglalis matud pa ang nasangpit nga ginang sa hubog niini nga kaipon nga misangpot sa pagpanumbag sa nahisgutan ngadto kaniya ug giaway pa sa suspek ang amahan sa biktima dihang gilabanan ang iyang anak human kining giwalop.
Nasayran nga misibat gilayon ang suspek human sa insidenti samtang ang ginang mireklamo sa kapulisan.
