General Santos City–Gipasakaan na og kasong pagsupak sa section 5 og 11 sa RA 9165 kon Comprehensive Dangerous Drugs Act of 2002 ang supetsadong si Mario Ternida alyas Nonoy, residente sa Purok Paraiso,Brgy. Cannery Site, Polomolok, South Cotabato.
Kahibaluan nga nasikop sa kapulisan ang nasampit sa buy bust operation niadtong adlawng Sabado sa hiniusang puwersa sa RPDEU 12.,Polomolok Municipal Police Station sa pakig-alayon sa PDEA-12 nagmalamposong nasikop ang suspek human nga napalitan og gituohang shabu sa nagpakong ingnon nga poseur buyer nga sakop usab sa operative team.
Nakuha gikan sa dinakpan ang usa ka sachet nga gituohang shabu nga napalit sa pulis ingon man ang P500.00 nga mark money.
Nasayran usab nga anaa sa listahan sa RPDEU ang nahisgutan nga nalambigit sa illegal nga droga.Sa karon nagtingkagol sa silda sa Polomolok PNP ang maong dinakpan . (Reynald Timario)
