Davao City – Wala na makita ang lalaking dunay deperensya sa pangisip nga giingong nanumbag og babaying buntis sa pedestrian lane duol sa Mall sa Bajada, syudad sa Davao.
Sa interbyu sa DXDC RMN Davao kang Police Master Sargent James Aquino, Investigator sa Bajada Police Station, gisulti niini nga atol sa maong insidente gilayon nilang gi-adtuan ang lugar, apan wala na didto ang suspek.
Nanawagan si Aquino, sa mga nakakita sa maong lalaki nga tambukon, hingkod ang edad, nagsuot og short pant nga gisi-gisi, gilayong i-report sa presinto sa kapulisan aron ma-rescue ug mahatod sa Institute of Psychiatry and Behavioral Medicine (IPBM), kanhing Mental Hospital.
“Everytime nga mag conduct og patroling sa area, kung naay makita medyo naay diperensya ginaturn-over namo sa Mental Hospital ug ang uban sa ilang pamilya,”sulti ni Aquino.
RadyoMaN Don Pulayao
Facebook Comments
