Davao City – Gipangita karon sa mga awtoridad si Regil Daya alyas Duco, 23 anyos, minyo ug kinsa gitudlong responsable sa giingong chemical leakage nga gikalipong sa 42 ka mga indibidwal sa may Doña Paz, Sasa ning dakbayan sa Davao.
Segun ni Sasa Pnp Station Commander PCI Emerson Pugong anaa sa tunga sa sako nga 1 litro ug 500 ml nga mga botilya sa insecticides ang nakalutan sa mga responders sa kwarto niini.
Segun ni Pugong wala pod usab naabtan sa mga awtoridad ang inahan niini nga si Cosme Sanchez kinsa tag-iya sa maong balay diin nagsumikad ang grabeng baho.
Sumala ni Pugong nahibalik na sa stable nga kondisyon ang mga biktima.
Gidala sa Environmental Management Bureau-XI ang mga narekober nga insecticides para sa dugang imbestigasyon.
RadyoMaN Aimee Guinita
