Dipolog City – Mokantidad sa P20,000.00 mil ka pesos ang estimated market value sa ginadiling drogas ang nakuha gikan sa usa ka lalaki gikatahapang tigpayuhot og droga human sa gikasa ang drug buy bust operation sa taga City Drugs Enforcement Team sa Dipolog City Police Station uban ang PDEA-9 pasado alas 7:50 ang takna sa niaging gabii, sa may Mabini St., Barangay Barra, dakbayan sa Dipolog, particular sa atubangan sa Billiaran sa Dapit.
Ang dinakpan naila nga si Roland Bunac Alegrado, 36 anyos, ulitawo, way trabaho lumulupyo sa susamang Barangay.
Matud pa sa dihang gikasa ang buy bust operation usa ka sakop sa kapolisan ang nagpaka aron ingnon nga poseur buyer ug malampuson napalitan ang suspek sa duha ka small sachet nga gituohang shabu kambiyo ang buy bust money nga duha ka tag P500.00 pesos hinungdan sa pagkasikop niini.
Lakip narekober sa kapolisan sa posisyon dinakpan ang lain upat ka sachet nga gituohan shabu, ingon man kwarta usa ka gatos pesos.
Sa kasamtangan balhug na sa Dipolog PNP ang dinakpan ug mag-atubang kini og kasong may kalapasan sa RA 9165 kun Comprehensive Dangerous Drugs Act of 2002.
