Sa report sa Digos City Police Station, giila niini ang biktima nga si Roberto Camarillo, 62 anyos, usa ka mekaniko, ug residente sa nahisgutang lugar, samtang ang suspek nailang si Rolando Capa, 61 anyos, minyo, residente sa susamang address.
Saysay sa pulis nga samtang adunay ginatrabaho sulod sa balay ang biktima, kalit na lamang niabot ang suspek dala ang lagaraw ug pintik ug dayon naglalis ang duruha nga miresulta sa pagpanigbas sa suspek sa makadaghang higayon.
Nakahiagom og samad ang biktima sa iyang ulo ug walang kamot. Samtang, gibunalan usab sa biktima ang suspek gamit ang magahing butang ug naigo usab ang ulo ug kamot niini. Dali usab nga gidala sa hospital ang biktima, samtang gilayong naaresto sa kapulisan ang suspetsado.
Away sa yuta ug karaang bangi sa duha ang ginalantaw karong motibo sa insidente.
RadyoMaN Kirby Manzon
