Davao City – Walay natalang casualty o injured sa nahitabong sunog sa Samal National High School sa Peñaplata, Island Garden City of Samal (IGaCoS) kagahapong adlawa (Agosto 15, 2022).
Sa interbyu sa DXDC RMN Davao kang Police Corporal Rod Oliver Bernasor, personahe sa Peñaplata Police Station, gibutyag niini nga nagsugod ang sunog pasado alas 10:00 sa buntag.
Saysay sa pulis, nabiyaan nga electrical appliance ang hinungdan sa sunog nga dali usab nga girespondehan sa kabomberohan ug gideklarang under control ang sunog pasado alas 11:00 sa buntag. Wala pay gipagawas nga report ang Bureau of Fire Protection (BFP) kung pila ang natalang damyos.
“Ang cause of fire gyud ato kay unattended electrical appliance. Maoy nakabutang sa ilang report,” sulti ni Bernasor.
Gipanawagan sa awtoridad sa publiko nga kanunay nga i-check ang mga nakasaksak nga gamit ug bisan ang wirings pagsigurong dili muresulta sa sunog.
RadyoMaN Kirby Manzon
Facebook Comments
