Davao City – Nikalampag ang mga residente nga nagpuyo sa Sitio Marang Barangay Wilfredo Aquino ning siyudad sa Davao ngadto sa tag iya nga buot ipakoral ang yuta nga ilang gipuy an.
Sumala pa sa usa sa mga residente nga si alyas Lyn, ang yuta nga ilang gipuy-an gipanagiyahan sa Pamintuan Enterprise Incorporated ug buot nilang ipakoral ganinang alas 10:00 sa kabuntagon uban ang mga mukoralay nga nagsakay sa usa ka trak bitbit ang bara, pala ug uban pang kagamitan.
Kapin 50 ka mga balay ang maapektuhan niini kung ipadayon ang pagpakoral sa maong owner nga maoy hinungdan sa pag reak sa mga residente sa pag abot sa mga mokoral nga walay proper information nga gipaabot sa mga nagpuyo.
Hinuon wala nag malampuson ang pagpakoral sa mga manguralay ganina human gibabagan sa mga residente.
RadyoMaN Don Pulayao
