General Santos City—Usa patay samtang tulo ang angol sa nahitabong landslide sa Sitio Tinepulan, Barangay Maligo, Polomolok, South Cotabato alas 9:00 pasado ang takna sa buntag niadtong adlawng Byernes. July 29, 2018.
Namatay mao si Melchor Onal Jr., samtang mga angol giilang silang si Herminado Jesus, 43, Luisito Llasis, 38; ug Michael Villaraza, 35, parehong empleyado sa CHL Construction ug residente sa Polomolok.
Sa inisyal nga pagimbistiga sa mga personahe sa MDRRMO-Polomolok, nagfile ug hollow blocks ang mga biktima sa ilang ginahimong road concreting sa lugar, kalit lang matud pa nga nahugno ang yuta ug natabunan ang mga biktima.
Gilayong girescue sa ilang mga kaubanan ang mga natabunan apan way swerting nakabsan ug kinabuhi si Onal.
Nasayran nga nakasinati ug mga pag-ulan ulan ang lungsod sa Polomolok niadtong simana nga maoy gitudlong hinungdan sa landslide.
