General Santos City–Hugot nga gipatuman sa Lanton Reformatory Center ang mga protocols aron mabatukan ang Covid-19.
Sumala kang Jail Superintendent Peter Bongngat, Jail Warden sa Gensan City Refortmatory Center nga tanang mga piniriso nga mugawas sa maong pasilidad ang ilahang ginahapit sa City Health aron nga masuta ug masigurong wala kini simtomas sa Covid-19.
Apan giklaro niya nga gumikan walay kaso sa local transmission ang Gensan sa Covid-19, dili na kinahanglan nga ipa-ilalom pa sa covid test ang mga piniriso kung asa kinahanglan lang nga sila mu-agi sa regular check-up.
Dugang pamahayag ni Jail Superintendent Bongngat nga ang mga pinirisong i-commit sa ilahang pasilidad, gikinahanglan gihapon nga adunay medical certificate.
Gani aduna matud pay gibutang nga isolation area sulod sa Gensan City Reformatory Center alang sa mga bag-ong sulod nga inmates. Tumong niini aron nga higayon nga may magpositbo sa Covid, dili matakdan ang uban pang mga piniriso.
Samtang, hangtud sa karon, nagpabilin gihapon nga bawal ang dalaw sa Gensan City reformatory center hangtud nga walay direktibang ipakanaug gikan sa ilahang National Headquarter.(LVR)
