Patay ang bilog nga pamilya sa Tubod, Lanao del Norte sa isa ka police operation.
Kaagahon sang ginhiwat ang police operation sa diin suno sa mga kapulisan, nagbato ang padre de pamilya nga si Bevino Laride Jr. sang hana nga arestuhon sa kaso nga frustrated murder.
Magluwas sa iya, patay man iya asawa nga nagabusong sang 3 ka bulan lakip na ang ila 5 ka bulan pa lang nga bata.
Suno sa pamilya sang biktima, gintadtad sang bala ang mag-asawa samtang m ay igo sa hita ang bata.
Pahayag sang pamilya, nakitluoy pa sila s apulis nga untatan na ang pagluthang.
Imposible man kuno nga makabakal sang armas si laride bangod imol lang ang ila pamilya.
Suno naman kay acting Provincial Director Senior Superintendent Leopoldo Cabanag, una nga nagluthang si Laride kag nakaself-defense lang ang mga kapulisan.
Ginpaidalom na sa restrictive custody ang mga pulis nga involve sa operasyon kag ginbawian sang mga armas samtang gina-imbestigahan ang insidente.//// via ABSCBNNews
