General Santos City–Gikabutyag karon ni Barangay Dadiangas South Kagawad Abubakar Taha nga hangtod sa petsa 10 nalang karong bulana magpabilin ang mga Laray Vendor nga temporaryong gibutang sa Queen Tuna Park aron nga diha mamaligya sa ilahang tinda nga mga gulay ug uban pa.
Sumala ni Kagawad Taha nga nahatagan na nila ug saktong oras ang mga nahisgutan aron nga makapangita ug laing kabalhinan, Natugutan lang matud pa ang mga nasangpit nga maninda sa maong lugar aron nga dili mawad-an ug panginabuhian.
Gipaklaro usab niini nga aduna na silay lugar nga kabalhinan sa mga Laray Vendor apan ilahang iprayoridad nga mahatagan ug pwesto kadto lang mga lomulupyo sa barangay dadiangas south ug mga botante.
Dugang pa ni Kagawad Taha nga gawas sa mga vendor sa Queen Tuna Park ilaha usab ipatuman ang hugot nga pagbantay sa dalan nga agianan sa tao nga dili na subling ma okupa sa mga naninda.
Gihingusgan usab sa opisyal nga nahatagan na matud pa sila ug higayon nga maka pwesto sa laray nga ilang gigahin apan mi-abuso ang mga nasampit hinungdan nga 24 oras nang monitoron sa barangay uban ang kapulisan ang mga vendopr aron nga dili na nila subling mabalikan ang P. Acharon Blvd. ug Casquijo Street.(Dave Silagan)
