Report ni: Tita Jen Palomo Debaja
Ginkakibot kag ginkadismaya sang pila ka Ilonggo Community leaders sa Hong Kong ang last minute nga pag kansela sang kampo ni Mayor Joe Espinosa III sa nakaskedyul nga meeting sini sa Philippine Consulate subong nga adlaw Nobyembre 11, 2018.
Una na nga nag palab-ot sang imbitasyon ang mga community leaders sang Nobyembre 9 para sa sinapol takna alas 12 tubtob alas dos sa hapon. Suno sa nagcirculate nga invitation, kabahin sa pagbisita ni Mayor Espinosa ang pagsapol sa mga kasimanwang Ilonggos agud e update ang development sa syudad.
Isa sa mga lider ang nag palab-ot sang pagka disgusto sa natabo kag gin pahayag sini, nagkansela pa siya sang importante nga event para lang personal kuntani nga ma abi-abi ang mayor sang syudad sang Iloilo.
Sa mensahe nga ginpadala sang kampo ni Mayor Espinosa paagi kay Rex Aguado, gulpi nagbatyag sang stomach upset ang alkalde rason nga indi na ini maka abot para sa sinapol kag ubol na para sa iya flight pagkahapon.
