Gibutyag na sa Archdiocese sa Sugbo ang last will and testament sa mitaliwan nga si Cebu Archbishop Emeritus Ricardo Cardinal Vidal atol sa gihimon ‘intimate meeting’ uban ang mga kadugo ug pamilya niini .
Matod sa executor sa will ni anhing Cardinal Vidal nga si Cebu Archbishop Jose Palma, ang maong dokumento naglatid sa mga pangandoy ug gustong mahitabo sa mitaliwan nga Cardinal kon asa niya ihatag ang mga katigayonan niini kon mamatay na siya .
Giangkon ni Archbishop Palma nga taas ang listahan sa mga pangan nga mahimong makadawat sa nahabilin nga katigayonan sa halangdong Cardinal lakip na niini ang Sister of Mother Teresa, mga kaparian, ug seminaryo dinhi sa sugbo .
Dugang ni Palma, lakip sa gibuhian sab ni Cardinal Vidal ang pipila sa mga propredad niini nga mao ang iyang retirement house sa usa ka subdivision sa Barangay Banilad sa syudad sa sugbo nga i-donate ngadto sa archdiocese .
Samtang, tumanon sab sa Cebu Archdiocese ang plano ni Cardinal Vidal pag-angkon og luna sa usa sa mga dagkong sam-ang sa sugbo nga mao ang Carreta Cemetery diin mahimong ilubong ang mga motaliwan nga retired priest nga sakop sa naasoy’ng archdiocese .
