Roxas City, Capiz- Nagbisita sa Roxas City PNP ang bag-o nga jail warden sang Roxas City BJMP nga si Jail Chief Inspector Abner Zamora.
Suno kay Zamora, nahisugtan nila ni Police Supt. Dante Tayco, nga mas labi nga pasangkaron ang lateral coordination sa tunga sa Roxas City PNP kag Roxas City BJMP partikular sa kampanya kontra kriminalidad.
Isa diri, amu nga magapadala sila sang notisya sa Roxas City PNP sa tiun nga may yara sang gin-release nga inmate sa BJMP. Katuyoan sini agud nga mahibaloan sa gilayon sang mga kapulisan kag mamonitor ang hulag sang mga indibidwal nga may yara sang ginapangatubang nga kasu.
Liwat man sini nga ginpasalig ang publiko sa tawhanon kag ensakto nga serbisyo sa mga inmates nga napreso sa BJMP-Roxas.
photo © Roxas City PS PCR
