General Santos City–Gikumperma ni Police Senior Superintendent Raul Supiter, City PNP director sa Gensan City Police Office nga daghan pa sila ug operasyon nga ipahigayon sa dakbayan batok iligal nga armas.
Iyang giangkon nga daghan pa ang mga personaheng naghupot ug armas sa Gensan nga subject sa ilang mga search warrant operation.
Tumong matud pa sa sunod-sunod nga operasyon sa kapulisan mao ang pagsanta sa mga naghupot ug iligal nga armas.
Gibutyag pa sa opisyal nga posibling gamiton ang mga loss firearms sa iligal nga mao dapat lang kining kumpiskahon.
Kahinumduman nga niadtong nakalabayng adlaw, duha na usab ka mga personahe ang nasikop sa gihimong ronda sa Barangay labangal human nga nakuhaan ug pusil, Granada ug bala.
Facebook Comments
