Davao City – Nibaha ang pagtimbaya sa usa ka bar passer gikan sa Ateneo de Davao University (AdDU) – College of Law nga si Francis Roel Dulay human kini nalakip sa 14 ka bar passers nga nabutang sa “excellent performance” sa batch 2020-2021 bar passers.
Sa examination result nga gipagawas sa Supreme Court kagahapong adlawa (April 12, 2022), si Dulay lamang ang gikan sa Mindanao nga nakakuha og “excellent performance” o kadtong nakakuha og lapas 90% nga grado sa exam.
Sa 65 ka bar takers gikan sa AdDU – College of Law, 61 niini ang nakapasar, diin ang eskwelahan adunay passing rate nga 96.49% ug rank 4 ang AdDU sa law schools nga adunay 50-100 takers.
Sa 761 exemplary passers, 22 niini naggikan sa AdDU ug 4 gikan sa Jose Maria College of Davao City nga adunay scores nga 85% to 90%. Nakuha usab sa Jose Maria College of Law School ang 100% passing rate sa exam.
Sa 2022 bar exam result, 72.28% ang passing rate o 8,241 ang nakapasar sa 11,402 nga nag-take sa examination.
RadyoMaN Kirby Manzon
Facebook Comments
