Lawyer, ‘guilty’ ha pagpatay ha usa nga architect ha sakob han LNU

TACLOBAN CITY – Ginsentensyahan han korte an usa nga abogado hin reclusion perpetua tungod nga guilty ini ha kaso nga murder ha ginbuhat nga krimen tulo ka tuig an naglabay.

Guilty ha kaso nga murder hi Aquilino Mejica, ini an nagin desisyon han Regional Trial Court-Branch 6 nga ginpangunahan ni Judge Alphinor Serrano.

Sumala han korte, diri tatagan hin bis ano nga parole hi Mejica.


Hi Mejica nga tumambong han promulgation ngan waray maghire hin abogado para hiya madepensahan, ginpapagbayad hiya han korte hin P500,000 para han civil, moral, exemplary ngan damages nga iginhatag hini ha pamilya han biktima.

Prime suspect hi Mejica ha pagpatay kan moscare ha sakob hiton campus han Leyte Normal University (LNU) dida han June 6, 2016.

“Wherefore, in view of all the foregoing considerations, judgment is hereby rendered finding the accused Atty.Aquilino Mejica guilty beyond reasonable doubt of the crime of murder penalized under article 248 of the revised penal code, and this court hereby sentenced the said accused of to suffer the penalty of imprisonment of reclusion perpetua without eligibility to parole,” sumala han korte ha report han Leyte-Samar Daily Express.

Ginpusil ni Mejica hi Moscare gamit an 45 caliber pistol ha sakob han opisina han biktima ha second floor han LNU’s library.

Hi Moscare in natrabaho kumo myembro han technical working group han magkadurudilain nga projects ha LNU upod an asawa hini kumo katrabaho.

Nagawas nga selos an motibo kun kayano ginpusil ni Mejica hi Moscare.

Nakit-an ha kopya han CCTV footage nga an suspek in sumakob ha lnu tipakadto ha opisina han biktima kun diin natabo an krimen.

Naaresto hi mejica dida han July 14, 2017 ha iya panimalay ha Oras, Eastern Samar. Ha pagka yana, paslak na an suspek ha Tacloban City Jail.

Facebook Comments