*General Santos City— Padayon ang pahimango sa labaw sa kapulian sa rehiyon ngadto sa iyahang ginsakupan human ang nahitabong pagpangatake sa rebeldeng New People’s Army kon NPA sa Samar.*
*Sumala kang Police Lt. Col. Aldrin Gonzales, tigpamaba sa Police Regional Office 12 nga una na matud pang mihatag ug direktiba si Police Bgen. Eliseo Rasco, Regional Director sa PRO12 ngadto sa mga Chief Of Police nga dili magkumpyansa sa pagbatay sa siguridad.*
*Pamahayag niini nga bisan pa man ug hugot ang ginahimong pagbantay sa siguridad, kinahanglan matud pa nga kanunay nga magbinantayon hilabina ang mga police station nga ana sa mga lagyong dapit ug adunay daghang presensya sa rebeldeng New People’s Army kon NPA ingon man ubang armadong grupo.*
*Pag-angkon niya nga bisan pa man ug anaa ang presensya sa kapulisan uban ang militar, kung gustong atakihon sa rebeldeng grupo ang usa ka lugar, ilaha kining himuon.*
