Patay ang leader sa New People’s Army atol sa engkwentro sa lungsod sa Quezon ning probinsya sa Bukidnon.
Matud sa militar nga gi-ila sa kanhi rebel returnees ang maong napatay nga NPA nga si Joven Manggatawan alyas “Amana” ang leader sa Sentro de Grabidad (SDG) platoon sa CPP-NPA’s Company Thunder, Subregional Command 2 sa NCMRC nga naglihok sa Southern Bukidnon
Matud ni Brigadier General Edgardo De Leon ang commanding officer sa 403rd Infantry Brigade, nga na-engkwentro sa tropa sa 88th Infantry Battalion ang mao nga grupo alas 9:30 sa buntag kaniadtong Sabado atol sa gihimong opensiba sa kasundaluhan batok sa NPA sa Sitio Bangkalawan, Brgy Lumintao, Quezon, Bukidnon.
Sa gihimong clearing operation sa encounter site narekober sa kasundaluhan ang usa ka M16 rifle; duha ka anti-personnel mines nga gibawal sa Ottawa Conventions; Usa ka rifle grenade; duha ka magazines sa M16 rifle; usa ka magazine sa AK47 rifle; usa ka Baofeng brand commercial radio; unom ka 20-liter water containers nga gisudlan ug bugas, assorted personal belongings ug subversive documents.
Samtang kagahapon sa kadlawon laing miyembro sa NPA nga samdan ug kauban sa namatay nga lider ang nabugtoan bag-ohay lang sa iyang kinabuhi human gipatambalan sa Bukidnon Provincial Hospital-Maramag.
