Leaders sa mga armadong grupo sa Marawi City kompirmadong patay

144

Gikompirma ni Defense Secretary Delfin Lorenzana nga napatay na ang Abu Sayyaf sub-leader nga si Isnilon Hapilon ug Maute group leader nga si Omar Maute kaganihang tungang gabii. Suma pa niya nga nakadawat sila og report gikan sa AFP ground commanders sa Marawi nga mao ni ang bunga sa operasyon nga gibuhat sa atoang government forces para gub-on ang pwersa sa maong terrorist leaders. Tumong pud nila nga makuhang buhi ang pipila pa ka mga bihag nga naa pa gihapon sa kamot sa mga armadong grupo nga maoy misugod sa kagabot sa Marawi City, Lanao del Sur.
Kahinumduman nga niadtong May 23, 2017 nagsugod ang maong kagubot sa Marawi City sa dihang nagka-engkwentro ang Philippine government security forces ug ang ISIL o Islamic State of Iraq and the Levant apil na ang Maute ug Abu Sayyaf Salafi nga mga jihadist nga grupo.

Daghan kaayo ang nalipay sa maong balita tungod kay medyo taudtaud na ni nga kagubot. Upat (4) na ka buwan ug kapin 3 semana ang milabay sa dihang nagsugod ang maong kagubot. Sa pagbuto sa maong balita daghan pud ang nakapangutana kung end of war na ba sa Marawi? O naa pay mga leaders nga kinahanglan madakop o patyon aron hingpit na kining matapos?
Idol, unsa may imong komento sa maong balita? Ayaw kalimot og komento sa ubos niining article.


Facebook Comments