Leadership academy para sa pamatan-on ginbuksan na sang syudad

Iloilo City- Ginpangunahan ni Mayor Jed Patrick Mabilog ang launching sang Iloilo City Academy ukon ICLA sa Diamond Jubilee hall kahapon.

Kaupod sang alkalde ang proponent sang programa nga si City Council lady Julie Grace Baronda Mr. Jason Gregorio sang City Youth Development Division kag National Youth Commission Asec. Rhea Penaflor nga nangin inspirational speaker.

Katuyuan sang ICLA nga makatukod sang komunidad sang mga lamharon nga lider nga may nagkalainlain nga interes kag determinado nga masigurado ang inclusive growth kag makabulig sang pagsanyog sang syudad sang Iloilo.


Magahanas sang anom ka bulan ang mga participants kun sa diin may intensive training sessions kag iban pa nga hilikuton sa kabug-usan sang training.

May exposure trip man ang mga participants kag dapat magpasakop sa mga programa sang syudad kag mangin volunteer sang community-based disaster group nga Kabalaka.

Matapos ang program magapropose sang proyekto ang participants nga kabahin sang ten point agenda ni Mayor Jed Patrick Mabilog.

Facebook Comments