*General Santos City— Gideklara ng persona non grata sa dakabyan sa Gensan ang singer nga si Leah Navarro human ang comment niining retribution ang nahitabong sunod-sunod nga linog sa isla sa Mindanao.*
*Sumala kang Gensan City Councilor Franklin Gacal nga maoy nagpasar sa resolusyon, walay katungod si Navarro nga tawgong gigaban ang Mindanao rason nga kini nakasinati ug sunod-sunod nga makusog nga linog.*
*Alang kaniya, dapat lang nga i-persona non grata sa dakbayan ang nahisgutan gumikan isip ilado sa industriya sa musika, dili angay nga isulti kini sa tawo sa Mindanao hilabina nga daghan ang nahimong biktima sa linog.*
*Pagpaklaro niya nga wala nila gisakyan ang maong isyu apan isip taga Mindanao, kinahanglan nga mubarog ang katawhan batok sa sama ni Navarro.*
*Sumala niya nga kinahanglan gyud nga almahan ang maong pahayag ni Navarro nga tawgong makasasala ang katawhan sa Mindanao tungod lang sa kasuko niini sa presidente.*
*Kalabot niini, gibutyag ni Kag. Gacal nga sa panahon matud pa nga sama niini, kinahanglan sa katawhan sa Mindanao ang tabang ug pag-ampo ug dili ang insultuhon gumikan dili deserve sa katawhan ang nasinatian karon.*
*Saysay niya nga walay ni bisan kinsa ang may katungod nga tawgong makasasala ang usa ka lugar. Apan giklaro niya nga mamahimong mu-atubang si Navarro sa hawanan sa konseho aron mangayo ug pasaylo.*
