Naa sa kapin 30 ka mga balay sa Baryo Ngitngit, Gumamela Extension, Barangay Carmen ning syudad ang nasunog pasado alas sais kagabie.
Nasunog ang mga balay nga gama sa light materials nga naa sa likod sa balay ni 1st District Congressman Klarex Uy.
Matud ni Mr. Carmilito Paza, ang Zone 6 Chairman nga adunay mibuto nga LPG gikan sa balay ni Edna Obatay dayong ulbo sa kalayo.
Sa gihimong coverage sa RMN dxCC, lakip sa nasunog ang balay sa ilang zone Chairman nga si Carmilito Paza, kung asa tulo ka balay ang distansya gikan sa panimalay ni Obatay.
Matud ni Kagawad Virgil Taguic sa Barangay Carmen nga mukabat sa 30-40 ka mga panimalay ang apektado sa maong sunog kinsa puros mga informal settlers.
Samtang matud ni SFO4 Samson Velarde ang Fire Investigator nga mga alas 6:14 nadawat niini ang report sa sunog ug gi deklarang 4th alarm mga alas 6:25 kagabie samtang alas 7:38 gi deklarang undercontrol.
Dugang pa nga mukabat sa one million pesos ang natalang damyos sa maong sunog samtang under investigation pa ang hinungdan sa maong sunog.
