Leeno Gaw’s Luneta Park Trip | Imposible Ngadto sa Posible!

56

Isip usa ka Pinoy, walay magdako aning kalibutana nga di kaila sa atong mga Bayani. Ang mga tao nga nisakrispyo gyud alang sa nasud. Ug usa ani si Dr. Jose Rizal

Si Jose Protasio Rizal Mercado y Alonso Realonda o sa nailhang “Dr. Jose Rizal” ang usa sa mga bayani nga nagpakamatay para sa nasud.


Sa bata pa ta, nakaila nata anang tawhana. Ug kung asa siya gipatay mismo nga atong nailhan nga “Luneta Park”, ang mga lugar nga ginatudlo gyud sa atong mga tagsa-tagsang maestro o maestra.
Sauna, ato paning makit-an sa atong mga libro nga kundiin makapangutana ka kung asa gyud kaha na dapita ang Luneta Park?

Bisag kinsa siguro nga tao mangandoy nga makaadto anang lugara ilabi nga taga Cebu ka kay ang Luneta Park naa man nahimuntangan ngadto sa Manila. Wala damha, gi tugotan gyud ka sa imong kapalaran nga maka adto ka anang lugara. Sauna sa libro ra nimo makita ang maong lugar, apan lahi ra gyud sa pamati ang makakita ka mismo sa imong duha ka mata ang lugar nga imong gipangandoy kaniadto pa.

Ang Rizal Park o Luneta Park ang usa sa pinakasikat nga monumento sa tibouk Pilipinas. Nahimo na kining tourist destination o historical nga lugar kay tungod diri nahitabo kung asa gipatay ang atong Pambansang Bayani na si Dr. Jose Rizal.

Nindota kaayo pamation nga maka kuha kag hulagaway atubangan sa maong monumento o sa tibouk Luneta Park kay kaniadto sa libro rani nimo makita ilabi na kung dili ka taga Manila, ma ihas gyud ka.

Grabe gyud kaayo ka higpit ang maong lugar og dili sad ka basta basta nga maka doul ka sa monumento kay tungod gwardiyado kining lugara. Naay magbarog 2 kabouk opisyales nga 24 ka oras gyud magbarog atubangan sa maong monumento.

Unsa pa imong gihuwat? Ayaw pugngi imong kaugalingon nga dayunon ang imong mga pangandoy ilabi na ang pag bisita sa mga lain laing lugar ang imong gusto. Naa ra gyuy panahon ang tanan nimong pangandoy. Dili paman sa pagkakaron, kung dili mo abot rana sa saktong panahon.

Facebook Comments