Unsa Kaha Imong Kapalaran Karong Adlawa?

57

*Swerte’s Guide**:* *Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.*

ARIES: (Marso 21-Mayo 19) – Dili makatabang sa umaabot kung hunahunaon nato nga palpak ang atong nabuhat. Ang imong nahimo angay lang nga tagaa ug dungog.


TAURUS: (Abril 20-Mayo 20) – Gikinahanglan nga andam ka sa kausaban sa imong nasugdan nga aksyon.

GEMINI: (Mayo 21-Hunyo 21) – Kung mapakyas ang usa ka tao nga gisaligan nimo, buot pasabot niini nga gikinahanglan nimo ug dakong pasensya.

CANCER: (Hunyo 22-Hulyo 22) – Nangandoy ka nga aduna kay kontrol sa sitwasyon ug ang mahimong resulta niini. Nabuhat na nimo ang kinahanglanun, oras na nga ihatag na nimo ang resposibilidad sa uban tao aron dalhon kini sa sunod nga destinasyon.

LEO: (Hulyo 23-Agosto 22) – Nakahibaw ka adunay kulang sa imoha karon ug imong gipangandoy ka unta wala nimo ni nasinati. Kung sa imong pangapas nga para sa imoha jud ni, puhon imong makuha ang bangag sa opurtunidad.

VIRGO: (Agosto 23-Setyembre 23) – Susiha ang usa ka sitwsyon nga imong gikahadlokan atubangon. Pag-abot sa panahon nga imo na makita ang lungag nga pwede nimo sudlan ug sulosyon, imo na masabtan ug makontrol ang sitwasyon.

LIBRA: (Setyembre 24-Oktubre 23) – Ayaw og usiki ang imong oras para lang sa mga butang nga naglibog paka. Dili maayo ang pagduha-duha sa mga butang nga puno sa pagduda. Mas maayo og mo pokus nalang ka sa mga butang nga sigurado ka og naay ikahatag nga kaayo kaysa ana imong uyab nga mohatag ra nimo og kalabad sa ulo.

SCORPIO: (Oktubre 24-Nobyembre 22) – Ayaw hatagi og oras ang mga butang nga walay ikahatag positibo sa imoha. Kung ikaayo man gani sa imoha og sa uban, go with the flow nalang. Kaysa imo pa gyud tas-on ang istorya nga kabalo ka mismo sa imong kaugalingon nga wala ra gihapon kay padulngan.

SAGITTARIUS: (Nobyembre 23-Disyembre 21) – Ang imong pagkapositibo maoy hinungdan nganong malampuson ka. Imo gyud nang hatagan og importansya ang mga butang bisag unsa pana ka gamay. Gamay-gamay lang nang mga butanga pero mao nay sinugdanan sa tanan. Bahalag gamay basta kanunay.

CAPRICORN: (Disyembre 22-Enero 19) – Ayaw kaayo palabi og hunahuna sa mga butang nga imong mga gipangandoy. Timan-e nga daghan pa kaayo ka og agi-an sa kinabuhi before nimo makuha ang imong mga gusto. Ayaw gyud og kalimot mo ingon og “puhon” kay importante kaayo na. Dili mag expect og maayo para dili sad masakitan og maayo.

AQUARIUS: (Enero 20-Pebrero 18) – Kung kinahanglanon nimo nga dapat mas tagaan pa nimo og extra nga effort, buhata ayaw sayangi ang mga panahon nga makatabang paka. Dako kaayo na og tabang para sa uban. Dili man kaayo ka makafeel nga importante gyud para sa imoha apan dako na kaayo na para sa uban.

PISCES: (Pebrero 19-Marso 20) – Kung nakabantay man gani ka nga puno ka sa responsibilidad og obligasyon, maka realize ka kung unsay mas taga-an nimo og importansya. Puslan man nga holiday karong adlawa ayaw og sayang-sayangi ang mga oras nga bakante pa. Dili kay sige nalang og atubang ana imong messenger kay sige og chat ni crush, timan-e nga dili tanang gusto ma imo.

*Mao kadto ang atoang **LeenoWag Horoscope* *alang sa adlaw nga **Biyernes, Oktubre 19, 2018.** Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: *www.proastro.com*.**(Sinulat ni DJ Leeno Gaw ug Boss Luwag).*

Facebook Comments