*Swerte’s Guide**:* *Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.*
ARIES: (Marso 21-Mayo 19) – Inpirasyon ka sa mga tao sa imong palibot ug daghan nga benepisyo ang makuha nila kanimo.
TAURUS: (Abril 20-Mayo 20) – Kausaban nga magdala ug dakong oportunidad nga dugay nang gahulat sa imong atensyon ang mahitabo karon.
GEMINI: (Mayo 21-Hunyo 21) – Bisan pa ug wala kay ipadayag nga opinyon, ang mga tao sa imong palibot na mismo ang mudayeg kanimo.
CANCER: (Hunyo 22-Hulyo 22) – Ipadayon ang imong kadasig ug taas nga pagsalig sa imong kaugalingon karon tungod taas ang pagtan-aw karon kanimo sa mata sa usa ka tao.
LEO: (Hulyo 23-Agosto 22) – Dako ang imong matabang aron masuportahan ang isig ka tao nimo, apan kinahanglan ka mutingog aron mabuhat nimo ni.
VIRGO: (Agosto 23-Setyembre 23) – Makasinati ug kalisod karon tungod dili nimo makontrol ang sitwasyon, apan pwede nimo mausab ang imong kinaiya sa pag-atubang niini.
LIBRA: (Setyembre 24-Oktubre 23) – Problemado ka sa kwarta karon. Bisan paman nga dako ka og income sa imong trabaho, pero naay sitwasyon nga mohatag nimo og dakong problema nga kabahin sa kwarta. Apan di ka angay magpadala nianang problemaha. Ang problema sa kwarta molabay ra. Ang kwarta makit’an rana bisag asa. Importante nga dili ka katkat. Di pareha anang uban nga magpakaarong ingnun bisag wala gyud silay kwarta.
SCORPIO: (Oktubre 24-Nobyembre 22) – Naay usa ka butang nga gusto nimong malampuson ka niini. Usahay makarealize ka nga kaya ba gyud kaha na nimo o makaingon pud ang uban nga dili na nimo kaya. Ang importanteng buhaton ra gyud nimo nga magpabilin kang madasigon sa imong kaugalingon. Tanang butang aning kalibutana makaya ra gyud na. Kaya gani nimo nga pwerting malditaha sa imong uyab, kana na ba nga pagsulay rana sa kinabuhi.
SAGITTARIUS: (Nobyembre 23-Disyembre 21) – Mapasalamaton ka kay naay tao nga naa ra permi diha para nimo. Sa mga panahon nga problemado ka, naa ra gyud na siya para nimo permi. Usahay, siya ang hinungdan sa imong mga kalipay og tungod pud niya mainspire ka sa kinabuhi. Mao nay angay na mga tao nga atong taga-an og dakong importansya. Kay sa tinud-anay lang, gamay nalang na sila.
CAPRICORN: (Disyembre 22-Enero 19) – Naay mga pagmahay nga mahitabo sa imong adlaw run. Magmahay ka kay naay mga butang nga wala nimo nahatag og value kaniadto. Nakarealize ka karon nga importante man diay kaayo to para nimo og dako kaayo to og natabang sa imoha. Mao nang kung naa pa gani ang oportunidad nga makapasalamat ka buhata dayon. Kay basin magmahay unya ka puhon.
AQUARIUS: (Enero 20-Pebrero 18) – Karon na ang saktong oras nga imo nang angay usbon ang imong mga abilidad. Ang mga abilidad nga makapaasenso sa imoha og mohatag nga positibo nga resulta sa imong kinabuhi. Kung naa paman gani angay usbon sa imong kaugalingon, buhata dayon. Pagusab kung unsay ikaayo sa kadaghanan. Dili magusab padung sa negatibo nga dalan.
PISCES: (Pebrero 19-Marso 20) – Naa kay mga rason nga nganung nagpabilin ka sa usa ka sitwasyon. Nindot ni nga decision sa imong para sa imong kaugalingon tungod kay makabenepisyo ka og malampuson ra gyud ka puhon. Basta pabilin lang gyud nga madasigon kas imong kinabuhi. Gi antos gani nimo ang dagway sa imong uyab, kana na ba nga mga pagsulay ra.
*Mao kadto ang atoang **LeenoWag Horoscope* *alang sa adlaw nga **Sabado, Enero 26, 2019.** Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: *www.proastro.com*.** (Sinulat ni DJ *Leeno* Gaw ug Boss Luwag).*
