LeenoWag Horoscope Alang sa Enero 5, 2019

23

*Swerte’s Guide**:* *Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.*

ARIES: (Marso 21-Mayo 19) – Gina-awhag ka sa kapalaran karon nga makamugna ug saktong stratehiya aron mabuhat nimo ang imong mga saad sa mga tao sa imong palibot.

TAURUS: (Abril 20-Mayo 20) – Makalampus sa mga hagit karon. Mao kini ang naa sa imong palad. Apan, ayaw biyae ang responsibilidad kung mudangop sa lain buhatonun kung wala pa kini mahuman.

GEMINI: (Mayo 21-Hunyo 21) – Kini ang panahon aron lantawon pag-usab ang imong mga tinguha ug magmugna ug bag-ong stratehiya.

CANCER: (Hunyo 22-Hulyo 22) – Siguradua ang desisyon sulod sa relasyon aron walay pagmahay sa ulahi.

LEO: (Hulyo 23-Agosto 22) – Susiha ug maayo ang ginabuhat nimo ug usaba ang mga kinahanglan usbon hilabi na ang mga dili maayo nga buhat.

VIRGO: (Agosto 23-Setyembre 23) – Swerte pag-abot sa pagpadayag sa imong gibati aron klaruhon ang mga butang. Apan siguradua dili dinalian nga pamaagi aron walay pagmahay sa tumoy.

LIBRA: (Setyembre 24-Oktubre 23) – Ang oras nga imong gikinahanglan sa uban ang maoy imong gipangita karon. Apan dili tanan higayon nga imong mga gusto madayon. Mag agad ra gyud ta sa kapalaran kong iya ba gyud kaha ning gi destino para sa imoha or dili. Mao nay giingon nga ang orasan ra gyud ang naay time permi para nimo.

SCORPIO: (Oktubre 24-Nobyembre 22) – Naay mga butang nga puno ka sa pagbasol niini kay tungod sa imong mga kasaypanan. Ayaw kagoul kay timan-e permi nga wala gyuy perpekto aning kalibutana. Instead, malipay ka anang butanga kung asa ka nasayop kay mamahimo kini ug leksyon para nimo.

SAGITTARIUS: (Nobyembre 23-Disyembre 21) – Makahinumdum ka sa mga panghitabo sauna nga imong gidahum hangtod karon pero wala nahinayon. Mohatag kini og kagool sa imong kaugalingon apan magpabilin lang gihapon kang positibo kay ikaw mismo nakahibaw nga naa gyuy rason ang tanang butang. Kung unsa man gani ani ang pagpahinumdum sa imong ex, undangi nana. Ga labadlabad rakas imong ulo!

CAPRICORN: (Disyembre 22-Enero 19) – Magkinahanglan ka man sa tabang sa uban apan kinahanglanon pud nila ang imong tabang. Sa ginaingon pa nga tabangi ko og tabangan pud tika. Nindot kaayo sa imong pamati nga naa kay masugatan na tao sa imong adlaw nga magtinabangay mo sa usag usa.

AQUARIUS: (Enero 20-Pebrero 18) – Dili naka makabantay nga naay mga pangusab sa imong kinabuhi. Dili napud ka makabantay nga naabot na diay sa kana nga level sa imong kinabuhi. Normal ra gyud na nga naa man gyud tay mga pagbago sa atong kinabuhi. Pero hinumdumi permi nga bag-ohon lang ang tanang butang ayaw lang gyud imong uyab.

PISCES: (Pebrero 19-Marso 20) – Naa kay mga decision nga pangbuhaton karon og malipay ka kung naa man gani mo supporta sa imong gusto. Pero pagbantay-bantay lang gyud kay basin suyaan unya ka nga makita nila nimo nga malampuson ka. Timan-e nga daghang suyaon aning kalibutana.

*Mao kadto ang atoang **LeenoWag Horoscope* *alang sa adlaw nga **Sabado, Enero 5, 2019.** Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: *www.proastro.com*.** (Sinulat ni DJ Leeno Gaw ug Boss Luwag).*

Facebook Comments